liz trus türkiye - engliye otturisida imzalanghan erkin soda kélishimini maxtidi

engliye soda ministiri liz trus türkiye - engliye otturisida imzalanghan erkin soda kélishimi sayisida «Ford» shirkitining her ikki dölettiki sélinmilirini ashurishini dawamlashturuwatqanliqini éytti.

1602970
liz trus türkiye - engliye otturisida imzalanghan erkin soda kélishimini maxtidi

türkiye awazi radiyosi xewiri:aptomobil magnati «Ford» shirkiti sélinma qararlirini élan qilghandin kéyin, liz trus ijtimaiy alaqe supisi tiwittér hésabatidiki bayanatida, «bizning türkiye bilen bolghan soda kélishimimizning <Ford> qa oxshash asasliq mashina ishlepchiqarghuchilirimizning teminlesh zenjirini qoghdap, xizmetke orunlishish imkaniyitini kapaletke ige qilishqa yardemchi bolishi muhim bir xewer. (kélishim) ulargha (türkiyege) we engiliyege meblegh sélishni dawamlashturishi üchün ishench béridu» dédi.

aptomobil magnati «Ford» shirkiti 16-martta «Transit Custom» aptomobillirining yéngi modéli üchün dizél motorining engiliye dagénxamdiki zawutida ishlepchiqirilidighanliqini élan qilghan idi.

shirketning élan qilghan bayanatida, engiliyede ishlepchiqirilidighan aptomobil matorliri türkiyede ford otosan shirkiti teripidin ishlepchiqirilidighan «Transit Custom» aptomobillirining yéngi modéligha ornitilidighanliqi bildürüldi.

bu shirketning her ikki dölettiki ortaq meblighi engiliye dagénxamdiki zawutida ishleydighan 1900 xadimining xizmitini kapaletlik qilidu.

aptomobil magnati «Ford» gallérda 2020-yili jemiy 1700 kishini ishqa orunlashturghan bolup, brindgénd mator zawutini taqashni qarar qilghan idi.



مۇناسىۋەتلىك خەۋەرلەر