türkiye bilen engliye otturisida yéngi erkin soda kélishimi imzalinishi mumkin
engliyening enqerede turushluq bash elchisi domining chilkot (Dominick Chilcott) yéqin kelgüside türkiye bilen engliye otturisida yéngi we téximu keng dairilik erkin soda kélishimining imzalinishi mumkinlikini éytti.
türkiye awazi radiyosi xewiri: türkiye soda-sanaetchiler uyushmisi intérnétta «türkiye-engliye erkin soda kélishimi melumat bérish yighini» ötküzdi. yighingha, engliyening enqerede turushluq bash elchisi chilkottin bashqa, türkiye soda-sanaetchiler birleshmisining bashliqi rifat hisarjikoghlu, engliye elchixanisining soda meslihetchisi dawid mashin we ministirliq wekilliri qatnashti.
chilkot yighinning échilish murasimida: «türkiye-engliye munasiwetliride yéngi dewr bashlinidu. engliye bilen türkiyening soda munasiwetlirini aldimizdiki yillarda yéngi sewiyelerge chiqidu dep oylaymen. hetta yéqin kelgüside yéngi we téximu keng dairilik soda kélishimliri imzalinishi mumkin dep qaraymen» dédi.
u ikki dölet otturisida imzalanghan erkin soda kélishimi üstide toxtilip, kélishimning téximu küchlük, téximu keng dairilik we téximu chongqur soda shérikiliki munasiwiti shekillendürüshige paydiliq ikenlikini qeyt qildi.
engliye elchixanisining soda meslihetchisi mashin türkiye bilen engliyening özara sélinghan mebleghlerning ashqan halda dawamlishiwatqanliqini bildürdi.
