لىمون ئېكسپورتى ئاشتى

تۈركىيە ئاۋازى رادىيوسى خەۋىرى: تۈركىيەنىڭ 2021-يىلى يانۋار ئېيىدا لىمون ئېكسپورتى ئۆتكەن يىلى (2020) نىڭ ئوخشاش مەزگىلىگە سېلىشتۇرغاندا %3.77 ئېشىپ 31 مىليون 418 مىڭ دوللارغا يەتتى.

ئاقدېڭىز ئېكسپورتچىلار بىرلەشمىسىنىڭ مەلۇماتلىرىغا ئاساسلانغاندا، 2021-يىلىنىڭ تۇنجى ئېيىدا تۇرۇنچگىل ئېكسپورتىدىن 128 مىليون دوللار تاشقى پېرېۋوت يارىتىلغان بولۇپ، بۇنىڭ %24.5 ى لىمون ئېكسپورتىدىن قولغا كەلتۈرۈلگەن.

بىلدۈرۈلىشىچە، ئۆتكەن يىلى (2020) يانۋار ئېيىدا 30 مىليون 275 مىڭ دوللار بولغان لىمون ئېكسپورتى، بۇ يىل (2021) يانۋار ئېيىدا 31 مىليون 418 مىڭ دوللارغا يەتكەن.