pekjan shimaliy makédoniye iqtisad ministiri bilen körüshti

soda ishliri ministiri ruhsar pekjan dölet ishliri ziyaritide bolush üchün türkiyege kelgen shimaliy makédoniye iqtisad ministiri kréshnik béktéshi bilen körüshti.

1579857
pekjan shimaliy makédoniye iqtisad ministiri bilen körüshti

türkiye awazi radiyosi xewiri: türkiye soda ishliri ministirliqida ishqa ashurulghan heyetler ara uchrishishta, türkiye bilen shimaliy makédoniye otturisidiki  iqtisad - soda munasiwetlirini tereqqiy qildurush we chongqurlashturush heqqide muzakire élip bérildi, shundaqla, ikki dölet otturisida 2001 – yildin béri küchke ige bolup kéliwatqan, hemde soda munasiwetlirige muhim töhpe qoshuwatqan erkin soda kélishimini yéngilash we dairisini xizmet sahesinimu öz ichige alidighan shekilde kéngeytish üchün söhbet bashlinishi qararlashturuldi.

ikki dölet otturisidiki hemkarliq pursetliri heqqide özara pikir almashturulghan uchrishishta, sélinmilarning köpeytilishige chaqiriq qilindi.

buningdin bashqa yene, uchrishishta, eng qisqa waqit ichide qoshma iqtisadiy komitét yighinining chaqirilishi we bu yilning deslepki yérimida bir sélinma munbiri yighini  ötküzülüshi toghriliqmu birdeklik hasil qilindi.

yene bir tereptin, türk shirketlirining shimaliy makédoniyede énérgiye layihelirige téximu köp qatnishishi mesilisimu muzakire qilindi.



مۇناسىۋەتلىك خەۋەرلەر