ياۋروپاغا 70 مىليون دانە گۈل ئېكسپورت قىلىندى

تۈركىيە ئاۋازى رادىيوسى خەۋىرى: بېزەك ئۆسۈملۈكلىرى ۋە مەھسۇلاتلىرى ئېكسپورتچىلار بىرلەشمىسى مۇدىرىيىتىنىڭ باشلىقى ئىسمائىل يىلماز، گۈل-چېچەك ئېكسپورتىدا ئۆتكەن يىلى (2020) غا سېلىشتۇرغاندا، بۇ يىل (2021) ئېشىش كۆرۈلگەنلىكىنى ئېيتتى.

ئۇ: «ئاشىق-مەشۇقلار كۈنى ئۈچۈن 70 مىليون دانە گۈل ئېكسپورت قىلدۇق. بۇنىڭ قىممىتى تەخمىنەن 7 مىليون دوللارغا يېتىدۇ. ئۆتكەن يىلى 6 مىليون دوللار قىممىتىدە 60 مىليون دانە گۈل ئېكسپورت قىلغان ئىدۇق. بۇ يىل رېكورت سەۋىيەدە ئېشىش بولدى» دېدى.

ئۇ تۈركىيەدىن گوللاندىيەدىن باشقا، گېرمانىيە، رۇمېنىيە، ئۇكرائىنا قاتارلىق ياۋروپا دۆلەتلىرىگە گۈل-چېچەك سېتىلىۋاتقانلىقىنى بىلدۈرۈپ: «ياۋروپا تىرانسىپورتتا مەسىلە كۆرۈلۈۋاتقان كولومبىيە، ئېكۋادور قاتارلىق دۆلەتلەرنى، بىزدىن تەمىنلەۋاتىدۇ» دېدى.