türkiye öy - mülük sétish jehette yarwopadimu rékort yaratti

türkiye awazi radiyosi xewiri: türkiye istatistika idarisining sanliq melumatlirigha qarighanda, turalghu sétilish miqdari aldinqi yilgha sélishturghanda % 11.2 éship, 2020- yili 1 milyon 499 ming 316 ge yetken.

.uningdin ilgiriki eng yuqiri san 2017- yilida körülgen bolup,  bir milyon 409 ming 314 ke yetkenidi.

öy – mülük sétishida kowid – 19 yuqumigha qarimay, aldinqi eng yuqiri sangha sélishturghanda %6.4 éshish körüldi. bu qétim buningdin ilgiriki eng yuqiri sandin 90 ming öy artuq sétilghan boldi.

dap yapi qurulush – höddigerlik shirkiti mudiri ziya yilmaz bu heqte toxtilip, sehiye tarmaqlirining muweppeqiyitining sétishqa ijabiy tesir körsetkenlikini otturigha qoydi we sözini dawamlashturup, «türkiye 2020- yili turalghu sétish sanini  %11.2 ashurdi. bundaq éshish nisbiti yawropadimu yoq. eksiche, italiye, firansiye, engliye, ispaniye qatarliq döletlerde %10 tin %25 kiche töwenlesh körüldi. türkiye yawropadiki öy sétish rékortini buzghan boldi» dégenlerni qeyt qildi.