türkiye shamal énérgiyesi saheside künséri tereqqiy qilmaqta
yawropadiki shamal éléktir üsküniliri ishlepchiqirish saheside 5 – orungha örligen türkiye, besh qitediki 44 döletke üsküne satmaqta.
türkiye awazi radiyosi xewiri: türkiye shamal éléktir sanaiti saheside bu yil yil axirighiche ikki ming 500 mégawat éléktir ishlepchiqirishni nishan qilghan bolsimu, kowid – 19 yuqumi tüpeyli 1200 mégawat sewiyesige yétidighanliqi mölcherlenmekte.
türkiye shamal éléktir sanaiti bu sighimchanliqi bilen tok chiqirish omumiy miqdarining texminen 8.5 pirsentini teminlep, texminen 1 milyard dollarliq tebiiy gaz import qilishning aldini aldi.
türkiyening omumiy shamal énérgiyesi iqtidarining mushu yilning axirighiche 10 ming mégawatqa yéqinlishishidin ümid bar iken.
türkiyening shamal énérgiyesi ishlepchiqirish iqtidarini ashurush bilen bir waqitta üsküne ishlepchiqirish hejiminimu zoraytmaqta.
türkiye shamal énérgiyesi birlikining sanliq melumatlirigha qarighanda , türkiyediki bu sahede meshghulat élip bériwatqan 79 shirket dunyaning her qaysi jayliridiki 44 döletke shamal énérgiyesi üskünisi éksport qiliwatqan bolup, bularning soda sommisining texminen % 70 ini éksport türi teshkil qilidiken.
