amérika rusiye we xitaygha émbargo yürgüzüshni qararlashturdi

türkiye awazi radiyosi xewiri: amérika qoshma ishtatliri tashqi ishlar ministirliqi, iran, shimaliy koréye we süriye qoralsizlandurush qanuni dairiside, rusiye we xitay shirketlirige émbargo yürgüzülidighanliqini bildürdi.

ministirliq teripidin élan qilinghan qararnamide, her ikki dölettin ikkidin shirketning, iranning ballistik bashqurulidighan bomba téxnologiyesini sezgür téxnologiye we matériyallar bilen teminligenliki bildürülüp, herqaysi döletlerdin, iranning bashqurulidighan bomba paaliyetlirige yardemchi bolidighan herqandaq shekildiki teshebbustin yiraq turushi telep qilindi.

émbargo yürgüzüsh mudditining ikki yil küchke ige ikenliki eskertilgen qararnamide, iranning ballistik bashqurulidighan bomba yasash paaliyetlirining aldini élish üchün, chet ellik téxnologiye we matériyal bilen teminligüchilerge qaritilghan émbargolarning izchil dawamlishidighanliqi qeyt qilindi.