америка хитай ширкәтлиригә ембарго йүргүзүшни қарарлаштурди

америка қошма иштатлири иранниң деңиз тирансипорт ширкити (IRISL) билән һәмкарлашқанлиқи үчүн хитайниң 6 хәлқаралиқ ширкитиниң «ембарго йүргүзүлидиғанлар тизимлики» гә киргүзүлгәнликини җакарлиди.

1512414
америка хитай ширкәтлиригә ембарго йүргүзүшни қарарлаштурди

түркийә авази радийоси хәвири: америка қошма иштатлири ташқи ишлар министири майк помпейо, бу һәқтә елан қилған йазма байанатида, иранниң, деңиз тирансипорт ширкити (IRISL) ни баллистик вә йадро башқурулидиған бомбилирини тәрәққий қилдурушта еһтийаҗлиқ болған материйлларни қолға киргүзүш мәқситидә ишләткәнликини, бу ширкәтниң ийун ейида «ембарго йүргүзүлидиғанлар тизимлики» гә киргүзүлгәнликини, башқа ширкәтләрниму бу ширкәт билән һәмкарлиқ орнатмаслиқ тоғрулуқ агаһландурғанлиқлирини әскәртиш билән бир вақитта, бу агаһландурушқа писәнт қилмиған, мәркизи хитайдики Reach Holding гуруһи,  Reach Shipping Lines гуруһи, Delight Shipping Co гуруһи, Gracious Shipping Co гуруһи, Noble Shipping Co  гуруһи вә  Supreme Shipping Co  гуруһидин тәшкил тапқан 6 ширкәт вә икки шәхскә,  «билип туруп иранни тавар вә мулазимәт билән тәминләшни давамлаштурғанлиқи» сәвәблик ембарго йүргүзүлгәнликини қәйт қилди.

америка қошма иштатлири, ийун ейида иранниң деңиз тирансипорт ширкити (IRISL) билән хитайниң мәркизи шаңхәйдики E-Sail ширкитиниң «ембарго йүргүзүлидиғанлар тизимлики» гә киргүзүлгәнликини җакарлиған, иранниң баллистик башқурулидиған бомба тәтқиқатлириға мунасивәтлик материйалларни сетивелишта ишлитилгәнлики сәвәблик,  бу ширкәтләргә ембарго  йүргүзүлгәнликини уқтурғаниди.



مۇناسىۋەتلىك خەۋەرلەر