türkiyening yawropagha aptobus éksporti ashti

türkiye awazi radiyosi xewiri: türkiye yanwardin awghustqiche bolghan mezgilde firansiyege 154 milyon 782 ming dollar qimmitide aptobus we minbus éksport qilghan bolup, birinchi orunda turidu. aptobus we minbus éksportida ikkinchi orundiki gérmaniyege 147 milyon 109 ming dollarliq, üchinchi orundiki italiyege 89 milyon 617 ming dollarliq aptobus we minbus éksport qilindi.

éksportning köp qismi yawropa döletlirige qilinghan bu mezgilde, tötinchi orunda turidighan marakeshke qilinghan éksport, ötken yilning oxshash mezgilige sélishturghanda %27.79 ashti. marakeshke qilinghan éksport 27 milyon 876 ming dollardin 35 milyon 623 ming dollargha chiqti.

aptomobil ishlepchiqarghuchilirining yawropa bazarliridin chéxiyege qilghan éksportidiki éshish alahide diqqet qozghidi. bu döletke qilinghan éksport ötken yil (2019) ning oxshash mezgilige sélishturghanda %112 éship 12 milyon 385 ming dollardin 26 milyon 259 ming dollargha chiqti.

rusiyege qilinghan éksport %376.11 éship 4 milyon 912 ming dollardin 23 milyon 386 ming dollargha chiqti.

aptomobil sanaiti kéyinki mezgillerde tereqqiy qilghan bazalardin méksikagha qilinghan éksport %244.32 ashti. méksikagha 2020-yili yanwardin awghustqiche qilinghan éksport 15 milyon 250 ming dollargha yetti.

polsha, awstiriye, ispaniye, sérbiye, isirailiye we wéngriyege ayrim-ayrim 20 milyon dollardin؛ bélgiye, kirodiye, shiwétsiye, bulghariye, ruméniye we ezerbeyjangha ayrim-ayrim 10 milyon dollardin artuq aptobus we minbus éksport qilindi.