yawropa ittipaqi ikkinchi charekte keynige chékindi

yawropa ittipaqi «wuxen wirusi» sewebidin iqtisadiy jehettin bu yilning ikkinchi charikide aldinqi yilning oxshash mezgildikige sélishturghanda % 11.9 keynige chékindi.

1465315
yawropa ittipaqi ikkinchi charekte keynige chékindi

türkiye awazi radiyosi xewiri: yawropa istatiskika ishxanisi teripidin élan qilinghan, yawropa ittipaqi we yawro rayonining 2020 – yilining ikkinchi charikige alaqidar iqtisadiy ehwaligha dair doklatqa asaslanghanda, 19 ezadin teshkil tapqan yawro rayonida, pesilliktin xaliy qilinghan ichki ishlepchiqirish omumiy qimmiti, 2020 – yilning ikkinchi charikida aldinqi yilning oxshash mezgildikige sélishturghanda % 12.1, 2019 – yilning oxshash mezgildikige sélishturghanda % 15 töwenligen.

yawropa ittipaqida bolsa, pesilliktin xaliy qilinghan ichki ishlepchiqirish omumiy qimmiti, bu yilning ikkinchi charikida aldinqi yilning oxshash mezgildikige sélishturghanda % 11.9, 2019 – yilning oxshash mezgildikige sélishturghanda bolsa % 14.4 töwenligen.

ichki ishlepchiqirish omumiy qimmiti, ikkinchi charekte aldinqi charekke sélishturghanda ispaniyede % 18.5, firansiyede % 13.8, italiyede % 12.4, gérmaniyede % 10.1, bélgiyede % 12.2, awstriyede % 10.7, portugaliyede % 14.1 töwenligen.

shuning bilen, yawropa ittipaqi we yawro rayonida, ichki ishlepchiqirish omumiy qimmiti, iqtisadiy tereqqiyat mölchiri ishqa kirishtürülüshke bashlighan 1995 – yildin buyan eng töwen sewiyege chüshüp qalghan.

yene bir tereptin, iqtisadiy jehettin birinchi charekte yawro rayoni % 3.6, yawropa ittipaqi bolsa % 3.2  keynige chékingenidi.



مۇناسىۋەتلىك خەۋەرلەر