ئالبايراق: تۈركىيە مەبلەغ سالغۇچىلار ئۈچۈن جەلىپ قىلىش مەركىزى بولۇشنى داۋاملاشتۇرىدۇ

تۈركىيە ئاۋازى رادىيوسى خەۋىرى: مىنىستىر بەرات ئالبايراق تىۋىتتېر ئادرېسىدا ئۇچۇر ئورتاقلىشىپ، تۈركىيەنىڭ «بىر تەشەببۇسكارنىڭ ئىش – خىزمەت ئورنى ئېچىش جەھەتتە» نۇرغۇن تەرەققىي قىلغان دۆلەتكە قارىغاندا كۆرۈنەرلىك ئىلگىرىلەش ھاسىل قىلغانلىقىنى ئەسكەرتتى ۋە سۆزىنى داۋاملاشتۇرۇپ، «2017 – يىلى ئىش – خىزمەت ئورنى ئېچىش قولايلىقى كۆرسەتكۈچىدە تۈركىيە 190 دۆلەت ئىچىدە 60 – رەتتە ئىدى، نۆۋەتتە 33 – ئورۇنغا ئىگە بولدى. تۈركىيە مەبلەغ سالغۇچىلار ئۈچۈن جەلىپ قىلىش مەركىزى بولۇشنى داۋاملاشتۇرىدۇ» دېگەنلەرنى قەيت قىلدى.