җзарнеки: түркийә ковид-19 йуқумидин кейин, дунйа иқтисадида муһим рол ойнайду

йавропа иттипақи - түркийә достлуқ гурупписи вә йавропа парламенти әзаси рисзард җзарнеки түркийәниң ковид-19 йуқумидин кейин, дунйа иқтисадида муһим рол ойнайдиғанлиқини ейтти.

1442358
җзарнеки: түркийә ковид-19 йуқумидин кейин, дунйа иқтисадида муһим рол ойнайду

түркийә авази радийоси хәвири: рисзард җзарнеки анадолу ахбарат агентлиқиға бәргән байанатида, 2020  - йилдики гиополитикилиқ өзгиришләрниң йавропа иттипақи мәнпәәти билән түркийәниң мәнпәәтидә өзгиришләрни кәлтүрүп чиқарғанлиқини билдүрүп, «һәр икки тәрәп ортақ мәнпәәтлирини көздин кәчүриши лазим» деди.

җзарнеки ковид-19 йуқумидин кейин йавропа иттипақи билән түркийә оттурисидики асаслиқ күнтәртип маддилириниң таможна иттипақи келишиминиң йеңилиниши вә виза әркинлики болидиғанлиқини има қилип, «инсанийәт ковид -19 йуқумиға қарши урушта ғәлибә қилғанда, нурғун ишларни қайтидин көздин кәчүриду» деди һәмдә һөкүмәтләр, органлар вә пуқраларниң болупму сағламлиқ вә сода мәсилиси қатарлиқ охшимиған хусусларға бәкрәк әһмийәт беридиғанлиқини ейтти.

җзарнеки иқтисадий саһәдә болса, түркийәниң һазирға қәдәр йавропа иттипақи үчүн интайин муқим вә ишәнчлик сода шерики болуп кәлгәнликини тәкитлиди.

түркийәниң йавропа иттипақи рәһбәрликидә елип берилған вә техиму чидамчан иқтисадий гәвдиләрни бәрпа қилишни нишан қилған йавропа тәрәққийат фондидин пайдилиналайдиғанлиқини тәкитлигән җзарнеки, «түркийә билән йавропа иттипақи иқтисадий, сийасий вә иҗтимаий сийаситини көздин кәчүриши керәк» деди.

җзарнеки, түркийәниң гиоистератегийәлик орниниң муһим әвзәлликләргә игә икәнликини тәкитләп, «бу җуғрапийилик йеқинлиқ шәрқий асийа дөләтлириниң қаришичә, түркийәниң йавропаға техиму тез мал йәткүзүш мумкинчиликини пәйда қилған» деди.

җзарнеки йавропалиқ ишләпчиқарғучиларниң түркийәгә бурулуп, төвән ишләпчиқириш тәннәрхидин нәпкә еришәләйдиғанлиқини алаһидә әскәртип йәнә мундақ деди:

«түркийәниң һазирға қәдәр иқтисадий саһәдә мувәппәқийәт қазиниши, дөләтниң ковид -19 йуқумидин кейин иқтисад дунйасида техиму чоң рол ойнаш пурситигә игә болидиғанлиқидур. йавропа иттипақиниң йәккә базириға йеқинлиқи, йуқири иқтидарлиқ әмгәк күчи вә түркийәдики күчлүк карханилар түкийәни зор әвзәлликликләр билән тәминләйду»



مۇناسىۋەتلىك خەۋەرلەر