xongkonggha yaban mersini éksport qilindi

antalyadin xongkonggha «yaban mersini» (yawa mersin üzümi) éksport qilish bashlandi.

1441715
xongkonggha yaban mersini éksport qilindi

türkiye awazi radiyosi xewiri: antalya wilayetlik yéza igiliki we ormanchiliq mudiri wekili gökxan karaja yéza igilik shehiri bolghan antalyadin mehsulat türini köpeytish xizmetlirini qiilwatqanliqlirini bildürdi.

u chet ellerde «kökmuch» (blueberry) dep bilinidighan yaban mersini ishlepchiqirishta, qisqa waqit ichidila muhim ilgirileshlerni qolgha keltürgenliklirini eskertip: «kökmuch dunyada yaxshi yüzlinishke ige boluwatqan méwe bolup, éksport qimmiti intayin yuqiri. uning oksidlinishqa qarshi turush xususiyiti bar. u tupraqqa bek tayanmaydu, teshtektimu östürgili bolidighan méwe hésablinidu. antalya kilimat jehette bu méwige intayin mas kélidu» dédi.

u dunya bazirida kökmuchning yuqiri bahaliq xéridarlirining barliqini eskertip: «biz gérmaniye, dubey, shiwétsiye, norwégiye we qatardin kéyin, xongkongghimu kökmuch éksport qilishni bashliduq. biz bultur 67 tonna 700 kilogiram kökmuch éksport qilduq. yéngi meblegh sélishlar arqiliq qisqa waqit ichide bu reqemdin ashurushni nishan qilimiz» dédi.    



مۇناسىۋەتلىك خەۋەرلەر