wuxen wirusi yer shari tebiiy gaz éhtiyajining tarixtiki eng chong töwenlishige seweb boldi

yéngi tiptiki tajisiman wirus (Kovid-19) yuqumi we shimaliy yérim shardiki issiq qish sharaiti sewebidin, yer shari tebiiy gaz éhtiyajining bu yil 150 milyard kub métir töwenlep, 3 tirilyon 850 milyard kub métirgha chüshüp qilishi mölcherlenmekte.

1433096
wuxen wirusi yer shari tebiiy gaz éhtiyajining tarixtiki eng chong töwenlishige seweb boldi

türkiye awazi radiyosi xewiri: bu %4 lik töwenlesh yer shari yilliq tebiiy gaz éhtiyaji boyiche tarixtiki eng chong töwenlesh dep ruyxetke élinidighandek qilidu.

xelqara énérgiye ajantisi (IEA) ning 2020 - yilliq tebiiy gaz doklatigha asaslanghanda, yer shari tebiiy gaz bazirida éhtiyaj körünerlik derijide töwenligen, bu yil amérika yawropa we asiya qatarliq tereqqiy tapqan bazarlardiki tebiiy gaz éhtiyajining töwenlishi %75 ke yétishi mumkin.

yene bir tereptin, wuxen wirusining tarqilishi yer shari néfit we tebiiy gaz baziridiki bazargha sélinish nisbitining éshishini keltürüp chiqirish bilen birge, bu sahelerdiki chiqimning aziytilishini we meblegh sélish pilanining qisqa muddet ichide kéchikishini keltürüp chiqirishi mumkin.

tebiiy gaz bilen teminleshning éshishida bashlamchiliq roligha ige amérika qiya gazimu, ottura sherq we rosiyening néfit bahasining töwenlishi we éhtiyajning éniqsizliqi sewebidin bésimgha duch kelmekte.



مۇناسىۋەتلىك خەۋەرلەر