türkiye pelestin iqtisadining güllinishige yéqindin yardemchi bolmaqta

türkiyening quddusta turushluq konsulxanisining soda ishlirigha mesul xadimi sabahaddin tarhan, türkiyening pelestin iqtisadigha hemdem bolushni dawamlashturuwatqanliqini éytti.

1429849
türkiye pelestin iqtisadining güllinishige yéqindin yardemchi bolmaqta

türkiye awazi radiyosi xewiri: sabahaddin tarhan, ishghal astidiki iyordan deryasining gherbiy qirghiqining nablus shehiridiki nablus sheherlik soda – sanaet bashqarmisini ziyaret qilghanda söz qilip, «türkiye, pelestin mehsulatlirigha bazar yaritish, pelestin shirketlirining biwasite halda türk shirketliri bilen alaqe ornitishining asasini berpa qilish, soda – sanaetchilerge köp qétim kirip – chiqishqa bolidighan wiza bérish we pelestin shirketlirining türkiyede échilidighan yermenkilerge qatnishishini kapaletke ige qilish dégendek usullar arqiliq pelestin iqtisadigha yardem bérishke tirishiwatidu» dédi.

nablus sheherlik soda – sanaetchiler bashqarmisi ijraiye ishliri reisi ömer hashimmu, ikki dölet otturisidiki soda hejimining yuqiri kötürülüshining her ikki terepke paydiliq ikenlikini tekitlep ötti.

türkiye bilen pelestin otturisida 2004 – yili imzalanghan erkin soda kélishimi sayisida, ikki dölet otturisidiki soda hejimi yilliq 657 milyon dollargha yetkenidi.


خەتكۈچ: #iqtisad , #pelestin , #türkiye

مۇناسىۋەتلىك خەۋەرلەر