xelqara pul fondi teshkilati: iqtisadiy weziyet mölcherdikidinmu nachar
xelqara pul fondi teshkilati (IMF) bashliqi kristalina jéorjiyéwa nurghun döletlerning iqtisadiy sanliq melumatlirining mölcherlenginidimu nachar ikenlikini otturigha qoydi.
türkiye awazi radiyosi xewiri: kristalina jéorjiyéwa, «pul-muamile waqit géziti» ning téléfonda yighinigha qatniship, wuxen wirusi (kowid – 19) yuqumining iqtisadiy paaliyetlerge körsitiwatqan we körsitidighan tesirliri toghrisida toxtaldi.
u, yuqumning iqtisadqa selbiy tesir körsetkenlikige isharet qilip, ««nurghun döletlerning sanliq melumatliri bizning ümidsiz mölcherimizdinmu nachar» dédi.
« 6-ayda mölcherimizni yéngilaymiz, bizning 2020-yildiki mölcherimiz sel nachar bolidu ». dédi we sözini dawamlashturup, « iyun éyida mölcherimizni yéngilash éhtimalimiz küchlük. bizning 2020- yiligha alaqidar mölcherimiz téximu nachar bolidu» dégenlerni qeyt qildi.
wuxen wirusi kirizisning pursetke aylandurulushi kéreklikini otturigha qoyghan jéorjiyéwa, sijil éshishqa kapaletlik qilish mesiliside qurulmiliq yaxshilinishning zörürlükini tekitlep ötti.