сәуди әрәбистан «нефит киризиси» үчүн җиддий йиғин чақиришни тәләп қилди

түркийә авази радийоси хәвири: сәуди әрәбистан хәвәр агентлиқи (SPA) ниң билдүрүшичә, қайтидин нефит баһасидики тәңпуңлуқни әслигә кәлтүрүш үчүн адил бир келишим түзүлүши мәқситидә, сәуди әрәбистан русийә башчилиқида нефит експорт қилғучи дөләтләр тәшкилатиға әза болмиған бир қисим нефит ишләпчиқарғучи дөләтләр билән җиддий йиғин чақирилишини тәләп қилған.

бу чақириқ, сәуди әрәбистанниң мәвҗут җиддий һалқилиқ пәйттә йәр шари характерлик иқтисадий тәрәққийатни қоллаш мәқситидә көрситиливатқан тиришчанлиқлар даирисидә вә америка қошма иштатлири пирезиденти доналд трампниң разилиқиға асасән қилинған.

сәуди әрәбистан башчилиқидики нефит кспт қилғучи дөләтләр тәшкилати вә бу тәшкилатниң сиртдики русийә башчилиқидики нефит ишләпчиқарғучи дөләтләр оттурисидики «нефит ишләпчиқиришни кемәйтиш келишими» алдинқи күни тамамланғаниди.

трамп, аммиви ортақлишиш тор бетидики сәһиписидә бу һәқтә елан қилған байанатида,  сәуди әрәбистан билән русийәдин нефит ишләпчиқириш миқдарини техиму азайтишини үмид қилидиғанлиқини билдүргәниди.