amérika iraqni iran émbargosidin «waqitliq» kechürüm qilghanliqini uqturdi
amérika hökümiti, iraqni irandin tebiiy gaz we tok import qilish cheklimisidin waqitliq kechürüm qilidighanliqini uqturdi.
türkiye awazi radiyosi xewiri: amérika tashqi ishlar ministirliqi bayanatchisi morgan ortagus qarar toghrisida yazma bayanat élan qilip, iran inqilab muhapizetchiliri bilen chétishliqi bar bezi shexs we orunlarning, iraqning tok mesilisde irangha bolghan béqindiliqidin nep yaritiwatqanliqini eskertip ötti.
iraqning bu sahediki cheklimilerdin 30 kün boyiche kechürüm qilinidighanliqi, irandin tok import qilinishigha ruxset qilinidighanliqi qeyt qilinghan bayanatta, «amérikaning bügün ijra qilishqa bashlighan bu kechürümining meqsiti, iraq xelqining jiddiy boluwatqan énérgiye éhtiyajini qamdashtur» dégen ibarilerge orun bérildi.
مۇناسىۋەتلىك خەۋەرلەر
xitay dunya soda teshkilatigha amérika üstidin erz sundi
xitay amérikaning tokluq aptomobil toluqlima siyasiti sewebidin dunya soda teshkilatigha erz sundi.