erdoghan: özbékistan - türkiye soda hejimini 5 milyard dollargha yetküzimiz

jumhur reis rejep tayyip erdoghan, özbékistan bilen import – éksport reqemlirini eng qisqa waqit ichide 5 milyard dollargha yetküzüshni nishan qilghanliqlirini bildürdi.

1362938
erdoghan: özbékistan - türkiye soda hejimini 5 milyard dollargha yetküzimiz

türkiye awazi radiyosi xewiri: jumhur reis erdoghan bilen dölet ishliri ziyaritide bolush üchün türkiyege kelgen özbékistan pirézidénti shewket mirziyayéw, jumhur reislik mehkimiside ötküzgen ayrim uchrishish we birlikte riyasetchilik qilghan yuqiri derijilik istratégiyelik hemkarliq kéngishi yighinidin kéyin qoshma muxbirlarni kütüwélish yighini ötküzdi.

sözining béshida «qérindishim» dep atighan özbékistan pirézidénti shewket mirziyayéw we uning hemrahliqidiki heyetni kütüwalghanliqidin xushalliq hés qilghanliqini bildürgen erdoghan, yuqiri derijilik istratégiyelik hemkarliq kéngishining tunji nöwetlik yighinining échilishi bilen tarixiy bir qedemning tashlanghanliqini tekitlep ötti.

muzakire jeryanida ikki dölet munasiwetliri we hemkarliq ornitishning barliq yollirini közdin kechürgenliklirini eskertken erdoghan, «soda hejimimiz 2019 – yili bir aldinqi yilning oxshash mezgilige sélishturghanda, %27 etrapida ashti. sodimizning 2.2 milyard dollargha yétishi elwette muhim bir utuqtur. ikki dölet sodisida tunji qétim hem éksport hem import sanliq melumatlirida bir milyard dollardin éshish körüldi. biraq téxi bésip ötüshimiz kérek bolghan musape bar. hörmetlik pirézidént bilen buni eng qisqa waqit ichide 5 milyard dollargha yetküzüshni pilanliduq» dégenlerni qeyt qildi.

erdoghan yene, méhman pirézidént bilen qatnash, énérgiye, sehiye, sayahetchilik, maarip, mudapie sanaiti saheliridiki hemkarliq we herbiy munasiwetlerni qandaq güllendürüsh toghrisidimu pikir almashturghanliqigha isharet qilip ötti.



مۇناسىۋەتلىك خەۋەرلەر