türkiye özbékistanda eng köp shirket qurghan 3 – döletke aylandi

özbékistan döletlik istatistéka komitéti teripidin élan qilinghan bayanatta, özbkistanda paaliyet qiliwatqan chet el shirketliri heqqide melumat bérildi.

1361661
türkiye özbékistanda eng köp shirket qurghan 3 – döletke aylandi

türkiye awazi radiyosi xewiri: özbékistanda chet el meblighi bilen qurulghan jemiy 10 ming 604 shirket barliqi, türkiyening 1306 shirkiti bilen özbékistanda eng köp shirket qurghan rusiye we xitaydin qalsila 3döletke aylanghanliqi uqturuldi.

bayanatta bildürülishiche, özbékistanda rusiye meblighi bilen qurulghan shirketlerning sani 1864, xitay meblighi bilen qurulghan shirketlerning sani 1690, türkiye meblighi bilen qurulghan shirketlerning sani 1306, qazaqistan meblighi bilen qurulghan shirketlerning sani 827, yaponiye meblighi bilen qurulghan shirketlerning sani 824 we bashqa döletler teripidin qurulghan shirketlerning sani 4093 iken.

chet el meblighi bilen özbékistanda qurulghan shirketlerning asasliq köp qismi sanaet, soda we binakarliq saheliride paaliyet élip bérwatqanliqi uqturuldi. sanaet saheside 3758, soda saheside 2645, binakarliq saheside 824, yéza igiliki, béliqchiliq we ormanchiliq saheside 591, mulazimet saheside 472, transport saheside 284, uchur alaqe saheside 274, sehiye we ijtimaiy mulazimet saheside 148 chet el shirketliri paaliyet qilmaqta.

 


خەتكۈچ: #türkiye , #özbékistan

مۇناسىۋەتلىك خەۋەرلەر