erdoghan: türkiyege meblegh salghuchilar héchqachan pushayman qilmidi

jumhur reis rejep tayyip erdoghan türkiyege meblegh salghan héchqandaq bir kishining qilche pushayman qilmighanliqini éytti.

erdoghan: türkiyege meblegh salghuchilar héchqachan pushayman qilmidi

türkiye awazi radiyosi xewiri: dölet ishliri ziyaritide bolush üchün tünügün pakistangha yétip barghan jumhur reis erdoghan, bu yerde ötküzülgen «türkiye – pakistan soda – iqtisad munbiri» yighinida qilghan sözide, pakistan bilen bolghan soda omumiy sommisini awwal bir milyard dollargha, kéyinche 5 milyard dollargha yetküzüshni nishan qiliwatqanliqlirini, türkiyening nöwette pakistandiki biwasite sélinmilirining 500 milyon dollargha yétidighanliqini tekitlep mundaq dédi: «hazirghiche dölitimizge ishinip meblegh salghuchilardin héchkimning qilche pushayman qilghini yoq. pakistan xelqi dawalinish ishlirida gherb ellirini tallimaqta. shuni alahide tekitlep ötimenki, türkiye sehiye jehettin bösüsh xaraktérlik ilgirileshlerni hasil qilip, meyli mulazimet jehettin bolsun, meyli dawalinish chiqirimlirining erzanliqi jehettin bolsun, gherb ellirining xélila aldigha ötüp ketti. shunga, pakistanliq qérindashlirimizning dawalinishtiki yéngi menzilgahi türkiye bolushi lazim.»

jumhur reis erdoghan «türkiye – pakistan soda – iqtisad munbiri» yighinidin kéyin, pakistan bash ministiri imran xan bilen bilen bir yerge jem boldi. uchrishish axbarat wasitilirigha yépiq halette ishqa ashuruldi.



مۇناسىۋەتلىك خەۋەرلەر