әрдоған: түркийәгә мәбләғ салғучилар һечқачан пушайман қилмиди

җумһур рәис рәҗәп таййип әрдоған түркийәгә мәбләғ салған һечқандақ бир кишиниң қилчә пушайман қилмиғанлиқини ейтти.

әрдоған: түркийәгә мәбләғ салғучилар һечқачан пушайман қилмиди

түркийә авази радийоси хәвири: дөләт ишлири зийаритидә болуш үчүн түнүгүн пакистанға йетип барған җумһур рәис әрдоған, бу йәрдә өткүзүлгән «түркийә – пакистан сода – иқтисад мунбири» йиғинида қилған сөзидә, пакистан билән болған сода омумий соммисини аввал бир милйард долларға, кейинчә 5 милйард долларға йәткүзүшни нишан қиливатқанлиқлирини, түркийәниң нөвәттә пакистандики биваситә селинмилириниң 500 милйон долларға йетидиғанлиқини тәкитләп мундақ деди: «һазирғичә дөлитимизгә ишинип мәбләғ салғучилардин һечкимниң қилчә пушайман қилғини йоқ. пакистан хәлқи давалиниш ишлирида ғәрб әллирини таллимақта. шуни алаһидә тәкитләп өтимәнки, түркийә сәһийә җәһәттин бөсүш характерлик илгириләшләрни һасил қилип, мәйли мулазимәт җәһәттин болсун, мәйли давалиниш чиқиримлириниң әрзанлиқи җәһәттин болсун, ғәрб әллириниң хелила алдиға өтүп кәтти. шуңа, пакистанлиқ қериндашлиримизниң давалиништики йеңи мәнзилгаһи түркийә болуши лазим.»

җумһур рәис әрдоған «түркийә – пакистан сода – иқтисад мунбири» йиғинидин кейин, пакистан баш министири имран хан билән билән бир йәргә җәм болди. учришиш ахбарат васитилириға йепиқ һаләттә ишқа ашурулди.



مۇناسىۋەتلىك خەۋەرلەر