америка билән хитай биринчи басқучлуқ сода келишимини имзалиди

америка қошма иштатлири пирезиденти доналд трамп билән хитай баш министир йардәмчиси лйу хе, ақсарайда өткүзүлгән мурасимда америка – хитай биринчи басқучлуқ сода келишимигә имза қойди.

америка билән хитай биринчи басқучлуқ сода келишимини имзалиди

түркийә авази радийоси хәвири: доналд трамп ақсарайдики таратқулар улап тарқатқан мурасимдики сөзидә, келишимниң бурулуш нуқтиси болғанлиқини ейтти.

«бүгүн хитай билән буниңдин бурун ташланмиған наһайити муһим бир қәдәмни ташлап, биринчи басқучлуқ сода келишимини имзалаватимиз. бу буниңдин бурунқи һәрқандақ бир келишимдин хелила бүйүк бир келишим» дегән трамп, йеқин кәлгүсидә хитайға баридиғанлиқини ейтти.

у, иккинчи басқучлуқ келишимгә алақидар хизмәтләрни башлиғанлиқлирини, бирақ үчинчи басқуч дәп бир мусапиниң болмайдиғанлиқини тәкитлиди.

хитай баш министир йардәмчиси лйу хему, келишимниң әһмийитини тәкитләп, икки дөләт арисидики бу сода келишиминиң йеңи бир бурулушниң ишарити икәнликини вә бу һәмкарлиқниң давамлишидиғанлиқиға ишинидиғанлиқлирини билдүрди.

лйу хе, хитай дөләт рәиси ши җинпиңниң трампқа йазған бир парчә мәктупиниму иштиракчиларниң көз алдида оқуп өтти.

америка билән хитай арисидики сода уруши, америка пирезиденти доналд трампниң 2018 – йили мартта хитайдин импорт қилинидиған бәзи мәһсулатларға қойулидиған таможна беҗини өстүрүши билән башлиғаниди.



مۇناسىۋەتلىك خەۋەرلەر