давос башлиқлар йиғини келәр һәптә башлиниду

давос башлиқлар йиғини дунйа иқтисад мунбири тәрипидин келәр һәптә шивейтсарийәниң давос шәһиридә чақирилиду.

давос башлиқлар йиғини келәр һәптә башлиниду

түркийә авази радийоси хәвири: дунйа иқтисад мунбириниң 21 – 24 – йанвар күнлири чақирилидиған20 – нөвәтлик йиғин һәққидә елан қилған байанатида әскәртишичә, йиғинға 117 дөләттин 3 миң карханичи, сийасәтчи, академик вә аммиви тәшкилатларниң вәкиллири қатнишидикән. йиғинға, түркийәгә вәкалитән ташқи ишлар министири мәвлүт чавушоғлу, хәзинә вә малийә ишлири министири бәрат албайрақ, сода ишлири министири руһсар пәкҗан вә мәркәз банкисиниң башлиқи мурат уйсал қатарлиқлар қатнишидикән.

«тинч йашашқа мас келидиған бир дунйа бәрпа қилиш тәрәпдарлири» темилиқ йиғинда, 400 дин артуқ очуқ вә йепиқ олтурушлар ишқа ашурулидикән.

йиғинға, америка қошма иштатлири пирезиденти доналд трамп, германийә баш министири ангела меркел, италийә баш министири гиусеппе конте, йавропа иттипақи комитетиниң башлиқи урсула вон дер лейен, испанийә баш министири педро санчез, шивейтсарийә пирезиденти симонетта сомморуга, афғанистан пирезиденти әшрәф ғени,  авистирийә баш министири себастиан курз, коломбийә пирезиденти иван дукуе, финландийә баш министири санна марин, гиретсийә баш министири кирйакос мичотакис, голландийә баш министири марк рутте, норвегийә баш министири ерна солберг, пакистан баш министири имран хан, украина пирезиденти владимир зелениски, бирләшкән дөләтләр тәшкилати баш катипи антонио гутеррес, хәлқара пул фонди тәшкилатиниң башлиқи кристалина георгиева, йавропа мәркәз банкисиниң башлиқи кристин лагарде қатарлиқ 50 тин артуқ дөләтниң дөләт башлиқлири, баш министирлири, министирлар вә мунасивәтлик органларниң вәкиллири қатнишидкән.



مۇناسىۋەتلىك خەۋەرلەر