türkiye yawropa ittipaqigha eng köp söresh aptomobili éksport qilghan

türkiye 2019-yili 869milyon 803 dollarliq söresh aptomobili éksportini emelge ashurup, bu sahede 2018-yilidin kéyinki ikkinchi qétimliq eng yuqiri tashqi soda reqimige yetti.

türkiye yawropa ittipaqigha eng köp söresh aptomobili éksport qilghan

türkiye awazi radiyosi xewiri: aptomobil sanaiti éksportchiliri birleshmisi aptomobil sanaitining 2019-yilini 30.6 milyard dollarliq tashqi soda bilen axirlashturghanliqini élan qildi.

2019-yili türkiyede ishlepchiqirilghan söresh aptomobillirining köpi yawropa ittipaqi döletlirige sétilghan bolup, %64 lik nisbet bilen gérmaniye birinchi orunda turghan we éksport sommisi 318 milyon 431 ming dollargha yetken. bu san 2018-yiligha sélishturulghanda %13 töwenligen. firansiye bilen polsha gérmaniyening arqida turghan bolup, firansiyege qilinghan söresh aptomobili éksport sommisi 120 milyon 916 ming dollargha yetken. ret tertipi boyiche üchinchi orunda turghan polshagha qilinghan söresh aptomobili éksport sommisi 118 milyon 767 ming dollargha yetken.

iraqqa qilinghan söresh aptomobili éksporti 2018-yiligha sélishturulghanda %119.74 ashqan bolup, 19 milyon 444 ming dollargha yetken. chéxiyege qilinghan söresh aptomobili éksporti iraqtin kéyin turghan bolup, 2018-yili 15 milyon 875 ming dollargha yetken bolsa, 2019-yili bu reqem %53.49 éship, 24 milyon 367 ming dollargha yetken.



مۇناسىۋەتلىك خەۋەرلەر