түркийә йавропа иттипақиға әң көп сөрәш аптомобили експорт қилған

түркийә 2019-йили 869милйон 803 долларлиқ сөрәш аптомобили експортини әмәлгә ашуруп, бу саһәдә 2018-йилидин кейинки иккинчи қетимлиқ әң йуқири ташқи сода рәқимигә йәтти.

түркийә йавропа иттипақиға әң көп сөрәш аптомобили експорт қилған

түркийә авази радийоси хәвири: аптомобил санаити експортчилири бирләшмиси аптомобил санаитиниң 2019-йилини 30.6 милйард долларлиқ ташқи сода билән ахирлаштурғанлиқини елан қилди.

2019-йили түркийәдә ишләпчиқирилған сөрәш аптомобиллириниң көпи йавропа иттипақи дөләтлиригә сетилған болуп, %64 лик нисбәт билән германийә биринчи орунда турған вә експорт соммиси 318 милйон 431 миң долларға йәткән. бу сан 2018-йилиға селиштурулғанда %13 төвәнлигән. фирансийә билән полша германийәниң арқида турған болуп, фирансийәгә қилинған сөрәш аптомобили експорт соммиси 120 милйон 916 миң долларға йәткән. рәт тәртипи бойичә үчинчи орунда турған полшаға қилинған сөрәш аптомобили експорт соммиси 118 милйон 767 миң долларға йәткән.

ираққа қилинған сөрәш аптомобили експорти 2018-йилиға селиштурулғанда %119.74 ашқан болуп, 19 милйон 444 миң долларға йәткән. чехийәгә қилинған сөрәш аптомобили експорти ирақтин кейин турған болуп, 2018-йили 15 милйон 875 миң долларға йәткән болса, 2019-йили бу рәқәм %53.49 ешип, 24 милйон 367 миң долларға йәткән.



مۇناسىۋەتلىك خەۋەرلەر