«türk éqimi» tebiiy gaz turuba liniyesi ishqa kirishtürüldi

rusiyening tebiiy gazini türkiyege we türkiye arqiliq yawropa yetküzidighan «türk éqimi» tebiiy gaz turuba liniyesi istanbulda ötküzülgen murasim arqiliq ishqa kirishtürüldi.

1337272
«türk éqimi» tebiiy gaz turuba liniyesi ishqa kirishtürüldi
putin-erdogan Turkakim1.jpg
Türkakim acilis.jpg
putin Turkakim.jpg
putin-erdogan Turkakim.jpg
erdogan Turkakim.jpg

türkiye awazi radiyosi xewiri: istanbuldiki xelij yighin zalida ötküzülgen  murasimgha, jumhur reis rejep tayyip erdoghan, rusiye pirézidénti wiladimir putin, sérbiye pirézidénti aléksansandar wuchich we bulghariye bash ministiri boyko borisow qatarliqlar qatnashti.

erdoghan murasimda qilghan sözide, «türk éqimi» turuba liniyesining rus dostlar bilen bilen türklerning mislisiz méhnetlirining mehsuli ikenlikini, bu layihening hem ikki terep munasiwetliri hem énérgiye xeritisi jehettin tarixiy ehmiyetke ige ikenlikini tekitlep mundaq dédi: «bu layihe pilan boyiche bir yil ichide tamamlandi. layihe sayisida 31.5 milyard kub métirliq tebiiy gazning 15.75 milyard kub métirliq qismi wasitichi héchqandaq bir dölet bolmastinla biwasite türkiyege yetküzülidu. her ikki dölet énérgiye sahesidiki hemkarliq basquchini muweppeqiyetlik halda tamamlidi. jümlidin rusiye – türkiye soda munasiwetliri barghanséri küchiyiwatidu. shuni alahide tekitlep ötimenki, türkiye esla rayonluq sürkilishlerning koyida bolmidi, buningdin kéyinmu bolmaydu. sherqiy aqdéngizda türkiye chetke qéqilghan héchqandaq bir layihening iqtisadiy, qanuniy we diplomatik jehettin ishqa éshishi mumkin emes. iran – amérika munasiwetlirige kelsek, urush qongghuraqliri chéliniwatqan bügünkidek halqiliq bir peytte, barliq diplomatik qanallardin paydilinip, sürkilishni peseytishke tirishiwatimiz. héchkimning öz menpeetlirini dep  iraq qatarliq pütkül rayonni urush otigha ittirish hoquqi yoqtur.   qolidimizdin kélidighan barliq imkaniyetlerni seperwer qilip, rayonimizda qan we köz yashlarning derya bolup éqishigha esla yol qoymaymiz. türkiye bolush süpitimiz bilen, ne iraqning, ne süriyening, ne liwanning, ne paris qoltuqi rayonining wakalet urushlirining sehnisige aylinip qélishini xalimaymiz.»

putin mundaq dédi: «türlük tosalghulargha qarimay türkiye – rusiye munasiwetliri her sahede barghanséri tereqqiy qiliwatidu. rusiyening tebiiy gazining türkiye arqiliq yawropagha yetküzülüshi pütkül yawropa iqtisadigha ijabiy tesir körsitidu. ottura sherq rayonida sürkilishni ewj alduruwétish urunushliri bar. türkiye bilen rusiye bolsa rayonda tinchliq hem muqimliq ornitish yolida nahayiti zor tirishchanliq körsitiwatidu.»

nutuqlardin kéyin, «ruskaya qisish istansisi» bilen «qiyiköy éléktir istansisi» bir - birige tutashturulup, «türk éqimi» tebiiy gaz turuba liniyesini heriketke keltüridighan simwolluq kilapanning échilishi ishqa kirishtürüldi.



مۇناسىۋەتلىك خەۋەرلەر