trampning xongkong qanun layihesini testiqlighanliqi, asiya paychék bazirigha éghir tesir körsetti
yer shari xaraktérlik paychéki bazarliri amérika pirézidénti donald trampning xongkonggha alaqidar tashilghan qedimidin kéyin, xitay rehberliri we amérika mesulliri teripidin élan qilinidighan bayanatlargha merkezleshti.
türkiye awazi radiyosi xewiri: amérikada bügün bashlinidighan «teshekkür éytish bayrimi» (shükran küni) dem élishidin ilgiri, tünügün (27-noyabir) amérika paychéki bazarlirida rékort yaritildi.
tünügün élan qilinghan sanliq melumatlargha asaslanghanda, amérika iqtisadiy yilning 3 – charikide %2.1 dep texmin qilinghan yüksilishtinmu halqip ötken bolup, chidamchan mal zakasliri öktebir éyida texmin qilinghandin artuq bolghan.
bu ilgirileshler bilen «Dow Jones» körsetküchi %0.15 we «S&P 500» körsetküchi %0.42 hemde «Nasdaq» körsetküchi %0.66 éship, barliq chaghlardikige sélishturghanda eng yuqiri nisbetlik yépliishni ishqa ashurdi.
amérika pirézidénti donald trampning tünügün kechte élan qilghan yazma bayanati, bügün asiya paychéki bazarlirining töwenlishige seweb boldi.
donald tramp palataning her ikki qanitining testiqidin ötüp, özining aldigha kelgen «xongkong kishilik hoquq we démokratiye qanuni layihesi» namliq qanun teklipini testiqlighanliqini élan qildi.
bu qanun teklipi xongkongdiki namayishlarda xelqqe zorawanliq qilghan we kishilik hoquqni depsende qilghan xitay mesullargha émbargo yürgüzüshni öz ichige alidu.
bu ehwallar asiya paychéki bazarlirida töwenleshke seweb boldi.
«Nikkei 225» körsetküchining qimmiti %0.1 we shangxey birleshme paychéki körsetküchining qimmiti %0.5 töwenlep ketti.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
