трампниң хоңкоң қанун лайиһәсини тәстиқлиғанлиқи, асийа пайчек базириға еғир тәсир көрсәтти

йәр шари характерлик пайчеки базарлири америка пирезиденти доналд трампниң хоңкоңға алақидар ташилған қәдимидин кейин, хитай рәһбәрлири вә америка мәсуллири тәрипидин елан қилинидиған байанатларға мәркәзләшти.

трампниң хоңкоң қанун лайиһәсини тәстиқлиғанлиқи, асийа пайчек базириға еғир тәсир көрсәтти

түркийә авази радийоси хәвири: америкада бүгүн башлинидиған «тәшәккүр ейтиш байрими» (шүкран күни) дәм елишидин илгири, түнүгүн (27-нойабир) америка пайчеки базарлирида рекорт йаритилди.

түнүгүн елан қилинған санлиқ мәлуматларға асасланғанда, америка иқтисадий йилниң 3чарикидә %2.1 дәп тәхмин қилинған йүксилиштинму һалқип өткән болуп, чидамчан мал закаслири өктәбир ейида тәхмин қилинғандин артуқ болған. 

бу илгириләшләр билән «Dow Jones» көрсәткүчи %0.15 вә «S&P 500» көрсәткүчи %0.42 һәмдә «Nasdaq» көрсәткүчи %0.66 ешип, барлиқ чағлардикигә селиштурғанда әң йуқири нисбәтлик йеплиишни ишқа ашурди.

америка пирезиденти доналд трампниң түнүгүн кәчтә елан қилған йазма байанати, бүгүн асийа пайчеки базарлириниң төвәнлишигә сәвәб болди. 

доналд трамп палатаниң һәр икки қанитиниң тәстиқидин өтүп, өзиниң алдиға кәлгән «хоңкоң кишилик һоқуқ вә демократийә қануни лайиһәси» намлиқ қанун тәклипини тәстиқлиғанлиқини елан қилди.

бу қанун тәклипи хоңкоңдики намайишларда хәлққә зораванлиқ қилған вә кишилик һоқуқни дәпсәндә қилған хитай мәсулларға ембарго йүргүзүшни өз ичигә алиду.

бу әһваллар асийа пайчеки базарлирида төвәнләшкә сәвәб болди.

«Nikkei 225» көрсәткүчиниң қиммити %0.1 вә шаңхәй бирләшмә пайчеки көрсәткүчиниң қиммити %0.5 төвәнләп кәтти.

 



مۇناسىۋەتلىك خەۋەرلەر