türkiye bu yil italiye, gérmaniye we firansiyege eng köp orman yangiqi satti
türkiye dunya boyiche orman yangiqi ishlepchiqirish we bazargha sélishta aldinqi qatardiki döletlerning birsi bolup, bu yil yanwar éyidin öktebir éyighiche bolghan mezgilde orman yangiqidin 1 milyard 578 milyon dollar kirim qildi.
türkiye awazi radiyosi xewiri: qara déngiz orman yangiqi mehsulatliri éksportchilar birlikidin igilengen melumatlargha asaslanghanda, türkiye 1 – yanwardin 31 – öktebirgiche bolghan mezgilde 100 din artuq döletke orman yangiqi éksport qilghan.
orman yangiqi éksport sodisi arqiliq 1 milyard 578 milyon dollar kirim qilghan bolup, bu mezgilde eng köp italiyege orman yangiqi satqan.
türkiye italiyege 66 ming 302 tonna orman yangiqi éksport qilip, 429 milyon 136 dollar kirim qilghan.
italiyedin qalsila eng köp orman yangiqi éksport qilinghan ikkinchi dölet gérmaniye we üchinchi dölet firansiye boldi.
gérmaniyege 56 ming 117 tonna yeni, 326 milyon 936 ming dollarliq orman yangiqi, firansiyege 18 ming 148 tonna yeni, 116 milyon 551 ming dollarliq orman yangiqi sétildi.
