türkiye telebyadqa insanperwerlik yardem berdi
türkiye qizilay jemiyiti « herbiy herikiti» dairiside kontirol astigha élinghan telebyadta süriyeliklerge üchinchi basquchluq insanperwerlik yardem buyumlirini tarqitip bérish xizmitini tamamlidi.
türkiye awazi radiyosi xewiri: türkiye qizilay jemiyiti teripidin bu heqte élan qilinghan bayanatta, térrorchilardin tazilanghan telebyad we resuleyn nahiyeliride insanperwerlik yardem buyumlirini tarqitip bérish xizmetlirining dawamlishiwatqanliqi, uzundin buyan yémek - ichmek we taziliq buyumlirini tépish jehettin nahayiti zor qiyinchiliqqqa duch kéliwatqan süriyeliklerni türkiyedin ewetilgen insanperwerlik yardem buyumlirining cheksiz shad – xuramliqqa chömdürgenliki, rayonda 17 ming kishige insanperwerlik yardem buyumliri tarqitip bérilgenliki tekitlinip mundaq déyildi: «térrorizmning ziyankeshlikige uchrighanlargha her küni dégüdek yémek – ichmek, taziliq buyumliri we bashqa éhtiyajliq buyumlarni tarqitip bériwatqan türkiye qizilay jemiyiti, tel ebyadta üchinchi basquchluq insanperwerlik yardem buyumlirini tarqitip bérish xizmitini tamamlidi. jümlidin yüzlerche insan tunji qétim insanperwerlik yardem buyumlirigha érishti. jemiyitimiz <tinchliq buliqi> herbiy herikiti dairiside térrorchilardin tazilanghan rayonlarda hazirghiche 17 ming kishige insanperwerlik yardem buyumlirini yetküzüp berdi, jemiyitimiz aldimizdiki künlerdimu muhtajlargha yémek - ichmek we bashqa éhtiyajliq buyumlarni tarqitip bérishtin sirt yene, sehiyeni öz ichige alghan köpligen sahelerdimu türlük layihelerni tüzüp, térrorizm qurbanlirigha dawamliq yardem béridu.»
yene bir tereptin, türkiye dölet mudapie ministirliqi ammiwi taratqulardiki sehipiliride, insanperwerlik yardemlerge munasiwetlik foto süretlerni hembehirleshken halda bayanat élan qilip, mununularni bildürdi: «qehrimen eskerlirimiz tel ebyadta insanperwerlik yardem bérish paaliyetlirini izchil dawamlashturmaqta.»
