анталйа сайаһәт нишаниға йетиш алдида туруватиду

анталйа сайаһәтчиләр санини 16 милйонға йәткүзүш нишаниға йетиш алдида туруватиду.

анталйа сайаһәт нишаниға йетиш алдида туруватиду

түркийә авази радийоси хәвири: дунйа бойичә әң муһим сайаһәт районлиридин бири һесаблинидиған анталйа бу йилниң дәсләпки 9 ейи ичидә бултурниң охшаш мәзгилигә селиштурғанда % 17 лик ешиш билән тәхминән  13 милйон чәт әллик сайаһәтини күтүвалди.

1 – йанвардин 27 – сентәбиргичә болған арилиқта шәһәргә кәлгән чәт әллик сайаһәтчиләрниң сани 12 милйон 623 миң 247 гә йәтти. бултур охшаш мәзгилдә шәһәргә 193 дөләттин 10 милйон 793 миң 757 сайаһәтчи кәлгәниди. шуниң билән, бу йил шәһәргә кәлгән сайаһәтчиләр санида % 17 лик ешиш көрүлди.

анталйаға 1 – сентәбирдин 29 – сентәбиргичә 2 милйон 118 миң 4 чәт әллик сайаһәтчи кәлди. бултур шәһәргә сентәбир ейида бир милйон 838 миң 279 чәт әллик сайаһәтчи кәлгәниди.

сайаһәт ишлириниң җанлинишиға әгишип, һава қатнишидиму ешиш көрүлди. сентәбир ейида анталйа айродурумда ташқи линийәләрдә 10 миң 827 айропилан қонди, 10 миң 842 айропилан қозғалди. ички линийәләрдә болса 4 миң 25 айропилан келип кәтти.



مۇناسىۋەتلىك خەۋەرلەر