«томас кук голландийә» тармиқи вәйран болғанлиқини җакарлиди

әнглийәниң дунйадики әң чоң сайаһәт ширкәтлиридин бири болған томас кук (Thomas Cook) вәйран болғанлиқини җакарлиғандин кейин, голландийәдики тармақ ширкәт болған «томас кук голландийә» му вәйран болди.

«томас кук голландийә» тармиқи вәйран болғанлиқини җакарлиди

түркийә авази радийоси хәвири: томас кук голландийә ширкити вәйран болғанлиқини җакарлиди. ширкәтниң бу һәқтә елан қилған йазма байанатида, ширкәтниң амстердам сотиға вәйран болғанлиқини сунғанлиқини вә қобул қилинғанлиқи билдүрүлди.

байанатта, томас кук голландийәниң өз алдиға йаки йавропадики башқа томас кук ширкәтлири билән давам қилиши үчүн учришишларниң елип берилғанлиқи вә буниң қисқа вақит ичидә мумкин болмайдиғанлиқи үчүн вәйран болуштин қечип қутулғили болмайдиғанлиқи қәйт қилинди.

«томас кук белгийә» тәрипидин елан қилинған йазма байанатта, охшимиған тәрәпләр билән нурғун қетим сөһбәт өткүзүлгән болсиму, зөрүр болған қисқа муддәтлик пул-муамилә мәсилисидә келишим һасил қилиналмиғанлиқи, шуңа ширкәтниң рәсмий вәйран болғанлиқи билдүрүлди.

байанатта, томас кук белгийәниң 91 шөбиси вә 501 хизмәтчисиниң барлиқи, һөкүмәтниң бу кишиләрниң зийанға учримаслиқиниң алдини елиш үчүн көп тиришчанлиқ көрсәткәнлики қәйт қилинди.

әнглийә хәлқ авийатсийә идариси дунйадики әң чоң сайаһәт ширкәтлиридин бири болған томас кукни қутқузувелиш учришишлири муқвәппәқийәтсиз ахирлашқандин кейин, сода паалийәтлириниң ахирлашқанлиқини елан қилди. шуниңдин кейин, нурғун дөләтләрдики 150 миңдин артуқ әнглийә пуқрасини қайтуруп келиш хизмити башланған иди.



مۇناسىۋەتلىك خەۋەرلەر