рийад енергийә ишләпчиқиришта ички тәләпни қамдийалиғудәк дәриҗигә йеқинлашқанлиқини билдүрди

сәуди әрәбистан енергийә ишлири министири абдуләзиз бин сәлман, арамкониң нефит чәккиләш орунлириға қилинған һуҗумлардин кейин қайтидин ички еһтийаҗни қамдиғудәк ишләпчиқириш күчигә йеқинлашқанлиқлирини уқтурди.

рийад енергийә ишләпчиқиришта ички тәләпни қамдийалиғудәк дәриҗигә йеқинлашқанлиқини билдүрди

түркийә авази радийоси хәвири: сәуди әрәбистан енергийә ишлири министири абдуләзиз бин сәлман, сәуди әрәбистанниң дөләт игиликидики нефит ширкити – сауди арамкониң нефит чәккиләш орунлириға қилинған һуҗумлардин кейин қайтидин ички еһтийаҗни қамдиғудәк ишләпчиқириш күчигә йеқинлашқанлиқлирини уқтурди.

абдуләзиз бин сәлман, сәуди әрәбистан рәсмий хәвәр агентлиқи – спаға байанат берип, етан газида ички тәләпниң күдилик 940 милйон кубметир икәнликини, ишләпчиқиришниң болса күндилик 900 милйон кубметирға йәткәнликини билдүрди.

у, сәуди әрәбистанниң бу мусапидә һазирғичә көрүлүп бақмиған дәриҗидә өзини испатлап, хәлқара базарниң ишәнчилик мәһсулат билән тәминлигүчиси икәнликини дәлиллигәнликини тәкитлиди.

сәуди әрәбистанниң дөләт игиликидики нефит ширкити – сауди арамкониң икки нефит чәккиләш орниниң 14 – сентәбирдә қораллиқ учқучисиз һава аппаратлириниң һуҗумиға учриғанлиқи, вәқәдин кейин от апити йүз бәргәнлики билдүрүлгәниди.

йәмәндики һусийлар, адәм өлүш йаки йарилиниш көрүлмигән мәзкур вәқәни 10 данә қораллиқ учқучисиз һава аппарати билән өзлириниң садир қилғанлиқини илгири сүргәниди.

дунйаниң әң чоң нефит експортчиси болған сәуди әрәбистанниң нефит орунлириға қилинған һуҗум түпәйли, дөләтниң нефит ишләпчиқиришида күндилик 5 милйон 700 миң варил қисқираш болғанлиқи қәйт қилинғаниди.



مۇناسىۋەتلىك خەۋەرلەر