бу йил хитайдин түркийәгә 600 миң сайаһәтчи кәлди

хитай вә йапонийә қатарлиқ йирақ шәрқ дөләтлиридин түркийәгә келиватқан сайаһәтчиләрниң санида көрүнәрлик дәриҗә ешиш болмақта.

бу йил хитайдин түркийәгә 600 миң сайаһәтчи кәлди

түркийә авази радийоси хәвири: түркийә базар вә сайаһәт түрини көпәйтиш хизмәтлири даирисидә, йирақ шәрқ базарлириғиму үнүмлүк қәдәмләрни ташлиди. 

хитай, йапонийә, һиндистан вә җәнубий корейәни нишан қилған түркийә, 2018йили хитайда вә 2019йили йапонийәдә «түркийә йили» елан қилған иди.

бу даиридә откүзүлгән консертлар вә түркийә күлтүрини намайән қилип берилидиған көргәзмиләр арқилиқ бир тәрәптин түркийәни тунуштурса, йәнә бир тәрәптин қатнашни қолайлаштуруш үчүн мәзкр дөләтләргә учидиған айропилан қетим санини ашуруш хизмәтлирини әмәлийләштүрди.

күлтүр вә сайаһәт ишлири министирлиқиниң мөлчәрлиригә асасланғанда, 2018йили хитайдин 450 миң сайаһәтчи кәлгән болуп, бу йил (2019 йилида) бу сан 600 миңға йәткән. йапонийә сайаһәтчилириниң саниму алдинқи йилдики 86 миңдин бу йил, (2019 йилида) 110 миңға өрлигән.

түркийә 2023йили хитай сайаһәтчиләрниң санини 2 милйонға, йапонийәлик сайаһәтчиләрниң санини 750 миңға йәткүзүшни нишан қилған болуп, буниң үчүн һәптилик айроплаин учуш қетим санини 20 гә чиқиришни пиланлимақта.

йирақ шәрқлиқ сайаһәтчиләрни җәлп қилиш үчүн йирақ шәрқ тамақ түрлиригә орун аҗритилған ресторан вә меһманханиларниң көпәйтилиши, хитай сайаһәтчиләрниң пул төләш системисиниң мушу йилниң ахириғичә түркийәдә ишқа кириштүрилиши вә сайаһәт мәркәзлиригә йирақ шәрқ тиллириға мас йол көрсәткүч ләвһәләрниң орунлаштурулиши қатарлиқ хизмәт пиланлирини йолға қоймақта.  

 

 



مۇناسىۋەتلىك خەۋەرلەر