seudi erebistangha qilinghan hujum, rusiye bazirini janlandurdi

seudi erebistangha qilinghan hujumdin kéyin néfit bahasida körülgen örlesh sewebidin rusiye paychék baziri we rublisining qimmiti éshishqa bashlidi.

seudi erebistangha qilinghan hujum, rusiye bazirini janlandurdi

türkiye awazi radiyosi xewiri: seudi erebistanning döletlik néfit shirkiti «Saudi Aramco» gha tewe muessiseler hujumgha uchrighandin kéyin, néfit bahasi éship, waril bahasi 66 dollargha örligenliki sewebidin moskwa paychék bazizi körsetküchi künning deslepki yérimida %0.9 ashti we 2818 numurgha örlidi. 

«Russia Trading System» rusiye soda sistémsining körsetküchi %1.8 lik éshish bilen 1393 numurgha yetti. rusiye rublisimu dollargha qarshi 1 - awghusttin buyan tünji qétim qimmet yaritip, eslidiki 64 tin 63.77 ge chüshti.

shenbe küni yerlik waqit saet 04:00 te seudi erebistanning döletlik néfit shirkiti «Saudi Aramco» gha tewe 2 muessisege yemendiki xusiylar teripidin uchquchisiz hawa appirati bilen hujum qilinghan idi.

hujumdin kéyin seudi erebistanning döletlik néfit shirkiti «Saudi Aramco» dunya néfit ishlepchiqirish nisbitining %6 ge teng kélidighan kündilik 5 milyon 700 ming waril néfit ishlepchiqirishini waqitliq toxtatqanliqini élan qilghan idi.


خەتكۈچ: yemen , rusiye , seudi erebistan

مۇناسىۋەتلىك خەۋەرلەر