ruxsar pekjan: türkiye bilen amérika birlikte barliq tosalghularni yéngeleydu

soda ministiri ruxsar pekjan amérika we türkiye birlikte xizmet qilip, barliq tosalghularni yéngelaydighanliqini éytti.

ruxsar pekjan: türkiye bilen amérika birlikte barliq tosalghularni yéngeleydu

türkiye awazi radiyosi xewiri: ruxsar pekjan amérika soda ministiri wilbur rosmu ishtirak qilghan türkiye soda - sanaetchiler we paychik baziri birlikining enqerediki xizmet ziyapitide nutuq sözlidi.

ministir ruxsar pekjan wilbur ros bilen birlikte türkiyening sanaet iqidari, qabiliyetliri we körsetküchi heqqide sahening wekilliri bilen ünümlük yighinlarni ötküzgenlikini bildürdi.

ruxsar pekjan tüp meqsitining jumhur reis rejep tayyip erdoghan bilen amérika pirézidénti donald tramp otturigha qoyghan 100 milyard dollarliq soda omumiy sommisini ishqa ashurush ikenlikini bildürüp, buning üchün april éyidiki washingiton ziyaritidin étibaren wilbur ros bilen birlikte xizmet qiliwatqanliqini we bu dairide xizmet guruppisi qurup chiqqanliqini eskertti. 

her ikki terepning özara chüshünüsh hasil qilghanliqini we kütkenlirining néme ikenlikini yaxshi bilishidighanliqini tekitligen ruxsar pekjan, otturigha qoyulghan nishangha yétish üchün soda sanaet sahesi asasiy qurulushlirining ishqa ashurulishi kéreklikini éytti.

ruxsar pekjan asasiy qurulush xizmetliri bilen birge bezi sahelerde sodining aldidiki tosalghularning élip tashlinishi kéreklikini tekitlep, «her ikki dölet birlikte xizmet qilip barliq tosalghularni yéngeleydu. hörmetlik ros ependining 5 künlük bu ziyariti intayin muhim we öz öz nöwitide yene, amérika hökümitining bu ishqa ne qeder jiddiy qarighanliqining ipadisidur. hörmetlik ros ependi bilen ziyariti boyiche barliq sahelerni birlikte analiz qilduq» dédi.

amérika soda ministiri wilbur rosmu «biz bu yerge her ikki döletning soda menpetlirini kücheytish üchün kelduq. türkiye amérikigha biwaste meblegh salghan döletler qatarida 15orunda turidu. türkiye shirketlirining amérikidiki sétishliri 700 milyon dollar bolushtek yuqiri sewiyege yetti. bularning dawamlishishini ümid qilimiz» dédi.


خەتكۈچ: türkiye , amérika , ruxsar pekjan

مۇناسىۋەتلىك خەۋەرلەر