amérika kubaliq köchmenlerge pul cheklimisi qoydi

amérika qoshma ishtatliri dölette yashawatqan kubaliq köchmenlerning aile tawabiatlirigha ewetiwatqan pul miqdarigha cheklime qoydi.

amérika kubaliq köchmenlerge pul cheklimisi qoydi

türkiye awazi radiyosi xewiri: amérika qoshma ishtatliri xezine ishliri ministirliqi kubaliq köchmenlerning aile tawabiatlirigha ewetiwatqan pul miqdarining üch ay ichide ming dollardin éship ketmeslikini qararlashturdi.

bu heqte élan qilinghan bayanatta eskertilishiche, yéngi qanun – belgilime dairiside kubada aile tawabiatliri yoqlarning pul ewetishige yol qoyulmayidken. shuning bilen bir waqitta, ikki dölet otturisidiki pul – muamile shirketlirining özara ewetidighan pul miqdarighimu cheklime qoyulidiken.

amérika qoshma ishtatlirining sabiq pirézidénti barao obama, 2009 – yili kuba bilen diplomatik munasiwetlerni eslige keltürüsh üchün ishlengen xizmetler netijiside kubaliq köchmenlerning aile tawabiatlirigha ewetidighan pul miqdarigha qoyulghan cheklimini bikar qilghanidi.

amérika qoshma ishtatliri pirézidénti donald tramp obamaning kuba bilen munasiwetlerni normallashturush tirishchanliqlirining peqet qarshi terepkila paydiliq ikenlikini ilgiri sürüp, normallishish basquchini bikar qilghanidi.


خەتكۈچ: pul , cheklime , köchmen , kuba , amérika

مۇناسىۋەتلىك خەۋەرلەر