америка кубалиқ көчмәнләргә пул чәклимиси қойди

америка қошма иштатлири дөләттә йашаватқан кубалиқ көчмәнләрниң аилә тавабиатлириға әвәтиватқан пул миқдариға чәклимә қойди.

америка кубалиқ көчмәнләргә пул чәклимиси қойди

түркийә авази радийоси хәвири: америка қошма иштатлири хәзинә ишлири министирлиқи кубалиқ көчмәнләрниң аилә тавабиатлириға әвәтиватқан пул миқдариниң үч ай ичидә миң доллардин ешип кәтмәсликини қарарлаштурди.

бу һәқтә елан қилинған байанатта әскәртилишичә, йеңи қанун – бәлгилимә даирисидә кубада аилә тавабиатлири йоқларниң пул әвәтишигә йол қойулмайидкән. шуниң билән бир вақитта, икки дөләт оттурисидики пул – муамилә ширкәтлириниң өзара әвәтидиған пул миқдариғиму чәклимә қойулидикән.

америка қошма иштатлириниң сабиқ пирезиденти барао обама, 2009 – йили куба билән дипломатик мунасивәтләрни әслигә кәлтүрүш үчүн ишләнгән хизмәтләр нәтиҗисидә кубалиқ көчмәнләрниң аилә тавабиатлириға әвәтидиған пул миқдариға қойулған чәклимини бикар қилғаниди.

америка қошма иштатлири пирезиденти доналд трамп обаманиң куба билән мунасивәтләрни нормаллаштуруш тиришчанлиқлириниң пәқәт қарши тәрәпкила пайдилиқ икәнликини илгири сүрүп, нормаллишиш басқучини бикар қилғаниди.



مۇناسىۋەتلىك خەۋەرلەر