türkiyege biwaste sélinghan chet el mebleghliri ashti
türkiyege sélinghan biwaste chet el mebleghliri ötken yili (2018) ning iyun éyidin bu yil (2019) ning iyun éyighiche %6.3 ashti we texminen 12.4 milyard dollargha yetti.
türkiye awazi radiyosi xewiri: türkiyege biwaste sélinghan chet el mebleghliri yéqinqi bir yilda éshish körüldi. biwaste mebleghler ötken yilining iyun éyidin bu yilning iyun éyighiche %6.3 éship, texminen 11 milyard 646 milyon dollardin 12 milyard 385 milyon dollargha yetti.
2019-yili yanwardin iyun éyighiche bolghan mezgilde türkiyege sélinghan biwaste chet el mebleghliride, qatar we engliye birinchi rettin orun aldi.
igilinishiche, sélinghan mebleghler bu yilning deslepki yérimida ötken yilning oxshash mezgilidikige sélishturghanda texminen 188 milyon dollar éship, 3.1 milyard dollargha yetken. bu mebleghlerning %19.4 i qatardin, %18.7 i engliyedin we %17.5 i ezerbeyjandin kelgen. ötken yilgha sélishturghanda, bu yil aldinqi üch rettin orun alghan döletlerning jemiy mebleghler ichidiki nisbiti %34.3 tin %55.6 ke örligen.
مۇناسىۋەتلىك خەۋەرلەر
shimshek: yershari meblegh salghuchiliri türkiyening iqtisadiy pilanigha ishinidu
ministir mehmet shimshek amérika qoshma ishtatliridiki ziyariti heqqide TRT ge bayanat berdi.
