иғдирдики «гөккушағи тәпәлири» силәрни күтмәктә

түркийә авази радийоси хәвири: тузла наһийәсиниң ғәрбидики көлими миңлиған гектар келидиған «гөккушағи тәпәлири» (һәсән – һусәйин чоқулири) қезил, җегәр рәң, күл рәң вә сериқ рәңлик көрүнүшлири билән һәқиқәтән сәйлә қилишқа әрзийдиған мәнзиләрни суниду.  

районниң сайаһәт саһәсигә байлиқ қошидиған бу чоқулар рәңга рәң көрүнүшлири билән сайаһәтчиләрниң көзлирини қамаштурмақта.

түркийә сайаһәт ширкәтлири нурғунлиған тарихий вә тәбиий гүзәлликләрни қойниға алған бу районни болупму «гөккушағи тәпәлири» (һәсән – һусәйин чоқулири)ни чәтәлликләргә сайаһәт қилдурмақта. 

түркийәниң әрменийә, наһчиван вә иран чегра райониға җайлашқан бу рәңга рәң, һәр хил чоңлуқтики чоқилар көргәнләрни мәптун қилмақта.

әнглийәдин кәлгән сайаһәтчи асиф иқбал «гөккушағи тәпәлири» (һәсән – һусәйин чоқулири) ға һәйран қалғанлиқини аңлатти. чоқуниң үстигә чиққинида аҗайип гүзәл бир мәнзирини көргәнликини чүшәндүрүп, «бу йәрләр бәк есилкән. интайин мәмнун болдум.  бу йәрләрни зийарәт қилиш үчүн йәнә бир қетим келимән. болупму биз зийарәт қилған ғарларни вә бу чоқуларни достлиримға аңлитимән» деди. 

роменийәдин сайаһәткә кәлгән филип каталинаму районниң толиму гүзәл тәбиий қурулмиси барлиқини билдүрүп, «бу йәрни һәқиқәтән интайин йахши көрүп қалдим. достлирим вә аиләм билән бу гүзәл йәрни вә гүзәл инсанларни қайтидин көрүшни халаймән» деди.