орешкин: хитай - америка сода урушиниң тәсирини йениклитишкә тиришиватимиз

русийә иқтисадий тәрққийат ишлири министири максим орешкин хитай - америка сода уруши сәвәбидин оттуриға чиққан тәсирләрни йениклитиш үчүн хитай вә әрәб дөләтлири билән үнүмлүк бир шәкилдә хизмәт қиливатқанлиқини ейтти.

орешкин: хитай - америка сода урушиниң тәсирини йениклитишкә тиришиватимиз

 

түркийә авази радийоси хәвири: максим орешкин русийәниң горно алтайсик шәһиридә мухбирларға бәргән байанатида америка хитай оттурисида қайтидин йалқунлашқа башлиған сода урушлириниң русийә иқтисадиға көрсәткән тәсири үстидә тохталди.

максим орешкин хитай - америка сода урушиниң русийә иқтисадиғиму чәклиғуч тәсирләрни көрситидиғанлиқини билдүрүп, «бирақ һәммә нәрсә бизниң қолимизда. ички тәрәққийатимизға вә ташқи базарлардики пурсәтләргә мәркәзлишишимиз лазим» деди. 

орешкин дунйа иқтисадидики астилашниң русийә иқтисадиға көрситидиған тәсирини йениклитиш үчүн керәклик хизмәтләрни давамлаштуриватқанлиқини чүшәндүрүп, «дунйа иқтисадидики астилашқа қаримастин, русийәниң дунйа базиридики һәссисини ашуруш үчүн хитай вә әрәб дөләтлири билән үнүмлүк бир шәкилдә хизмәтләрни қилмақтимиз. бу арқилиқ хитай - америка сода урушиниң тәсирини тәңпуңлаштурмақтимиз» деди.

пәйшәнбә күни америка пирзезиденти доналд трамп хитайдин импорт қилинған 300 милйард долларлиқ мәһсулатларға %10 лик қошумчә тамужна беҗи қойғанлиқини елан қилған иди.

хитай сода министирлиқи америкиниң хитай маллириға қошумчә тамужна беҗи қойғанлиқини җакалиғандин кейин, хитай ширкәтлириниң америка йеза игилики мәһсулатлирини сетивелишини вақитлиқ тоңлитилдиғанлиқини елан қилған иди. 



مۇناسىۋەتلىك خەۋەرلەر