америка хитайни «перевот алдамчиси» дәп елан қилди

америка малийә министирлиқи хитайни «перевот алдамчиси» дәп елан қилди.

америка хитайни «перевот алдамчиси» дәп елан қилди

түркийә авази радийоси хәвири: америка хәзинә ишлири министирлиқидин елан қилинған байанатта, министир стевен минучинниң «1988 Omnibus» сода вә риқабәт қануниниң мунасивәтлик маддилирини има қилған һалда америка пирезиденти доналд трамптин алған һоқуқиға бинаән хитайни «перевот алдамчиси» дәп баһалайдиғанлиқини җакарлиғанлиқи билдүрүлди.

байанатта, хитай һөкүмити базарға мудахилә қилиш арқилиқ йүәнниң қиммитини төвән тутуш билән әйибләнди. буниңға асасән министир стевен минучинниң хәлқара пул фонди җәмийити билән алақилишип, хитайниң бу хил қилишмилири түпәйлидин шәкилләнгән адаләтсиз риқабәт муһитиниң йоқитилиши үчүн қәдәм ташлайдиғанлиқи уқтурулди.

байанатта йәнә, хитайниң г 20 йиғинида бәргән иқтисадий вәдилириниң әксичә қәдәмләрни ташлиғанлиқи вә бу қәдәмләрниң мунасивәтлик әһдинамиләрни айақ- асти қилғанлиқи тәкитләнди.

америка пирезиденти доналд трамп бир қанчә күн илгири хитайдин импорт қилинған 300 милйард долларлиқ мәһсулатларға %10 лик қошумчә таможна беҗи қойғанлиқини вә 1сентәбирдин етибарән рәсмий иҗра қилинидиғанлиқини җакарлиған иди.

хитай һөкүмитиму бу қәдәмгә қарита охшаш дәриҗидә җаваб қайтурулидиғанлиқини билдүргән иди.



مۇناسىۋەتلىك خەۋەرلەر