xitay amérikagha naraziliq bildürdi

xitay xelq bankasi amérika maliye ministirliqining béyjing hökümitige «tashqi péréwot aldamchisi» dep töhmet qilishidin chongqur qayghurghanliqini élan qildi.

xitay amérikagha naraziliq bildürdi

türkiye awazi radiyosi xewiri: xitay xelq bankasi amérika maliye ministirliqigha naraziliq bildürüp bayanat élan qildi. bankaning bayanatida, amérika maliye ministirliqining xitayni tashqi péréwot aldamchiliqi qilghan dölet dégenlikige qarita: «buningdin chongqur qayghurmaqtimiz» déyildi.

bayanatta yene, xitayni bundaq déyishning xelqaraliq pirinsiplargha ziyan salidighan, dunya iqtisadi, shundaqla pul-muamile bazarlirigha chong tesir körsitidighan bir tereplimilikke we bikinmichilikke ige pozitsiye ikenliki eskertildi.

xitay pul birliki yüen yéqinqi 11 yildin buyan dollargha nisbeten eng töwen sewiyege chüshürülgen idi.

amérika maliye ministirliqi bayanatida, xitayni tashqi péréwot aldamchiliqi qilsh bilen eyibligen idi.

xitayning yüenning qimmitini chüshürüshi we xitay shirketlirining amérikadin yéza igiliki mehsulatlirini import qilishni toxtitishi, amérika pirézidénti donald trampning xitay mehsulatlirigha qoshumche %10 tamozhna béji qoyulidighanliqini élan qilghandin kéyin yüz bérishi alahide diqqet qozghimaqta.



مۇناسىۋەتلىك خەۋەرلەر