türkiye – girétsiye otturisida ékisport poyizi qatnishi ishqa kirishtürüldi

türkiye bilen girétsiye otturisida tunji ékisport poyizi tünügün erzurumda ötküzülgen murasim arqiliq girétsiyege uzitip qoyuldi.

türkiye – girétsiye otturisida ékisport poyizi qatnishi ishqa kirishtürüldi

türkiye awazi radiyosi xewiri: murasimgha türkiye jumhuriyiti tömür yolliri bash idarisining bashliqi éhsan uyghun, – girétsiye tömür yolliri bash idarisining bashliqi deywid péradzé we bashqa dairiler qatnashti.

uyghun murasimda qilghan sözide, yéqinqi yillardin buyan ehmiyiti barghanséri zoriyiwatqan tömür yoli sahesige yer shari xaraktérlik meblegh séliniwatqanliqini eskertish bilen bir waqitta, baku – tiflis – qars tömür yoli layihesini ishqa kirishtürüshge nahayiti zor ehmiyet bérip kéliwatqanliqlirini, 2017 – yili xizmetke kirishtürülgen bu liniye arqiliq hazirghiche türkiye, ezerbeyjan we qazaqistan otturisida yük toshush mulazimitining ishqa ashurulghanliqini tekitlep mundaq dédi: «tarixiy we medeniyet munasiwetliri yaxshi bolghan dost we qérindash dölet girétsiyening tömür yollliri bash idarisi bilen élip béilghan söhbettin kéyin, 17 – iyun küni hemkarliq kélishimi imzalandi. biz yolgha séliwatqan  we türkiye – girétsiye otturisida ishqa kirishtürülgen tunji éksport poyizi ene shu kélishimning tunji méwisidur. bügün girétsiye we türkiyege nisbeten tarixiy bir kün hésablinidu. layihege hesse qoshqan barliq orunlar we shexslerge köptin- köp rehmet éytimen.»



مۇناسىۋەتلىك خەۋەرلەر