түркийә – гиретсийә оттурисида екиспорт пойизи қатниши ишқа кириштүрүлди

түркийә билән гиретсийә оттурисида тунҗи екиспорт пойизи түнүгүн әрзурумда өткүзүлгән мурасим арқилиқ гиретсийәгә узитип қойулди.

түркийә – гиретсийә оттурисида екиспорт пойизи қатниши ишқа кириштүрүлди

түркийә авази радийоси хәвири: мурасимға түркийә җумһурийити төмүр йоллири баш идарисиниң башлиқи еһсан уйғун, – гиретсийә төмүр йоллири баш идарисиниң башлиқи дәйвид перадзе вә башқа даириләр қатнашти.

уйғун мурасимда қилған сөзидә, йеқинқи йиллардин буйан әһмийити барғансери зорийиватқан төмүр йоли саһәсигә йәр шари характерлик мәбләғ селиниватқанлиқини әскәртиш билән бир вақитта, баку – тифлис – қарс төмүр йоли лайиһәсини ишқа кириштүрүшгә наһайити зор әһмийәт берип келиватқанлиқлирини, 2017 – йили хизмәткә кириштүрүлгән бу линийә арқилиқ һазирғичә түркийә, әзәрбәйҗан вә қазақистан оттурисида йүк тошуш мулазимитиниң ишқа ашурулғанлиқини тәкитләп мундақ деди: «тарихий вә мәдәнийәт мунасивәтлири йахши болған дост вә қериндаш дөләт гиретсийәниң төмүр йолллири баш идариси билән елип беилған сөһбәттин кейин, 17 – ийун күни һәмкарлиқ келишими имзаланди. биз йолға селиватқан  вә түркийә – гиретсийә оттурисида ишқа кириштүрүлгән тунҗи експорт пойизи әнә шу келишимниң тунҗи мевисидур. бүгүн гиретсийә вә түркийәгә нисбәтән тарихий бир күн һесаблиниду. лайиһәгә һәссә қошқан барлиқ орунлар вә шәхсләргә көптин- көп рәһмәт ейтимән.»



مۇناسىۋەتلىك خەۋەرلەر