tramp: hindistanning amérika malliridin téximu köp baj élishigha yol qoymaymiz

amérika qoshma ishtatliri pirézidénti donald tramp hindistanning amérika malliridin téximu köp baj élishigha yol qoymaydighanliqlirini bildürdi.

tramp: hindistanning amérika malliridin téximu köp baj élishigha yol qoymaymiz

türkiye awazi radiyosi xewiri: tramp ammiwi ortaqlishish tor béti Twitter sehipiside, bu heqte élan qilghan bayanatida, mundaq dédi: «hindistan uzundin buyan  amérika malliridin  baj élip kéliwatidu, buningdin kéyin hindistanning bundaq qilishigha yol qoyulmaydu.»

amérika qoshma ishtatliri pirézidénti donald tramp bilen hindistan bash ministiri narandra modi aldinqi ay yaponiyening osaka shehiride chaqirilghan 20 dölet guruhi bashliqlar yighini dairiside bir yerge jem bolghanidi.

shu qétimliq uchrishishtin burunmu, tramp ammiwi ortaqlishish tor béti Twitter sehipiside, bayanat élan  qilip, mundaq dégenidi: «hindistanning amérika malliridin baj élishini qobul qilghili bolmaydu.» emma tramp modi bilen uchrashqan chaghda, «soda mesiliside qetiy birlikte heriket qilimiz» dégenidi.

hindistan washington teripidin tereqqiy tapqan ellerge sunulghan we bir qisim mehsulatlarning amérika qoshma ishtatlirigha tamozhnisiz halda kirishige imkaniyet yaritip béridighan «keng dairilik soda imkaniyetliridin tallash teriqiside behrimen bolush sistémisi» pirogrammisidin mushu ayning bashlirida chiqirilghanidi. buninggha asasen hindistan, amérika qoshma ishtatliridin import qilinidighan 28 türlük maldin qoshumche tamozhna béji élishqa bashlighanidi.

igilinishiche, ikki dölet otturisidiki munasiwetler, amérika qoshma ishtatlirining «400 - s» bashqurulidighan bomba mudapie sistémisi we iran mesilisidiki pozitsiyesi hem özara soda riqabiti tüpeyli barghanséri yirikleshmekte iken.


خەتكۈچ: baj , modi , tramp , hindistan , amérika

مۇناسىۋەتلىك خەۋەرلەر