трамп: һиндистанниң америка маллиридин техиму көп баҗ елишиға йол қоймаймиз

америка қошма иштатлири пирезиденти доналд трамп һиндистанниң америка маллиридин техиму көп баҗ елишиға йол қоймайдиғанлиқлирини билдүрди.

трамп: һиндистанниң америка маллиридин техиму көп баҗ елишиға йол қоймаймиз

түркийә авази радийоси хәвири: трамп аммиви ортақлишиш тор бети Twitter сәһиписидә, бу һәқтә елан қилған байанатида, мундақ деди: «һиндистан узундин буйан  америка маллиридин  баҗ елип келиватиду, буниңдин кейин һиндистанниң бундақ қилишиға йол қойулмайду.»

америка қошма иштатлири пирезиденти доналд трамп билән һиндистан баш министири нарандра моди алдинқи ай йапонийәниң осака шәһиридә чақирилған 20 дөләт гуруһи башлиқлар йиғини даирисидә бир йәргә җәм болғаниди.

шу қетимлиқ учришиштин бурунму, трамп аммиви ортақлишиш тор бети Twitter сәһиписидә, байанат елан  қилип, мундақ дегәниди: «һиндистанниң америка маллиридин баҗ елишини қобул қилғили болмайду.» әмма трамп моди билән учрашқан чағда, «сода мәсилисидә қәтий бирликтә һәрикәт қилимиз» дегәниди.

һиндистан вашингтон тәрипидин тәрәққий тапқан әлләргә сунулған вә бир қисим мәһсулатларниң америка қошма иштатлириға таможнисиз һалда киришигә имканийәт йаритип беридиған «кәң даирилик сода имканийәтлиридин таллаш тәриқисидә бәһримән болуш системиси» пирограммисидин мушу айниң башлирида чиқирилғаниди. буниңға асасән һиндистан, америка қошма иштатлиридин импорт қилинидиған 28 түрлүк малдин қошумчә таможна беҗи елишқа башлиғаниди.

игилинишичә, икки дөләт оттурисидики мунасивәтләр, америка қошма иштатлириниң «400 - с» башқурулидиған бомба мудапиә системиси вә иран мәсилисидики позитсийәси һәм өзара сода риқабити түпәйли барғансери йирикләшмәктә икән.



مۇناسىۋەتلىك خەۋەرلەر