gherbiy afriqidiki CFA frangi ishlitiwatqan döletlerning pul birlikini özgertidighanliqi bildürüldi

pil chishi qirghiqi pirézidénti alassan, gherbiy afriqidiki CFA (afriqa iqtisadiy ortaq gewdisi) frangi ishlitiwatqan döletlerning, ortaq pul birliki «eco» gha ötüshni qarar qilghanliqini bildürdi.

Alassane Ouattara.jpg

türkiye awazi radiyosi xewiri: pil chishi qirghiqi pirézidénti alassan, firansiye pirézidénti émanuél makron bilen körüshkendin kéyin ötküzülgen muxbirlarni kütüwélish yighinida, gherbiy afriqa döletliri iqtisadiy ortaq gewdisining «eco» namliq bir pul birlikini otturigha qoyush aldida ikenlikini éytti.

u, gherbiy afriqa döletliri iqtisadiy ortaq gewdisining barliq lidirliri, <eco> dep atilidighan bir pul birliki shekillendürüshni qarar qildi. uzun kélechekte CFA frangining ornini <eco> igleydu» dégenlerni qeyt qildi.

buning alaqidar döletlerning xelqlirining istiki ikenlikini we pat pursette ishqa éshishini ümid qilidighanliqini bildürgen alassan, yéngi pul birlikige ötüshning herbir döletning öz iradisige baghliq bolidighanliqini sözlirige ilawe qildi.

yawro bilen qimmiti turaqlashturulghan CFA frangi kaméron, bénin, gabon, kongo jumhuriyiti, chad, togo we ottura afriqa jumhuriyitini öz ichige alidighan kona firansiye mustemlikisi 14 afriqa dölitide ishlitilmekte.

firansiye, 1945 – yili 26 – dékabirda CFA frangini mustemlike tüzümini dawamlashturush meqsitide pul birliki qilip békitkenidi.


خەتكۈچ: pul birliki , afriqa

مۇناسىۋەتلىك خەۋەرلەر